O colexio na actualidade

Na actualidade o centro segue a ser unha fundación sen ánimo de lucro e segue ofrecendo aos seus alumnos e alumnas a mellor calidade de ensino, coas mellores instalacións: aula de encerado dixital, sala de informática, biblioteca, aula de inglés, de música… Porén, o noso obxectivo, alén do puramente instrutivo, é formar persoas de ben,  poñendo o maior empeño na adquisición de valores humanos, na creación de hábitos  de convivencia e respecto e no fomento da responsabilidade e do compromiso.

Consta de 13 aulas destinadas a albergar aos a alumnos e alumnas dende 4º de Educación Infantil ata 4º de ESO.  Ademais están as dúas aulas de informática, a aula de inglés, a aula de música, o taller de tecnoloxía, o laboratorio e a biblioteca.

Para as actividades deportivas e ao aire libre, o centro consta dun pavillón e un amplo patio no que se atopan as pistas deportivas: dous campos de fútbol e dúas pistas de baloncesto. Tamén conta con instalación para voleibol e balonmán. No patio cuberto xogan os rapaces cando chove, ao igual que na Sala de Usos Múltiples, na que tamén celebramos as conmemoracións máis importantes.,

Temos tamén un parque ao aire libre con bambáns e un gran xardín con horta ecolóxica, horta de aromáticas e xardín das bolboretas e árbores dos que desfruta toda a comunidade escolar.

No edificio principal, que está protexido por Patrimonio dados os máis de 100 anos de existencia, residen os despachos de dirección e secretaría, a sala de profesores, as salas de titoría e os departamentos de ESO. No piso superior atópase o departamento de orientación cunha psicóloga-orientadora e unha especialista en audición e linguaxe e pedagoxía terpéutica.
O colexio tamén ten unha pequena capela na que ao longo do curso se levan a cabo as actividades de Pastoral para os máis pequenos.